بسم الله الرحمن الرحيم
قبل ما تبدأ تقرا الكلام ده اقرا #الفاتحة_لأموات_المسلمين الله يرحمهم
نبدأ الشرح ان شاء الله
انهاردا هتكلم على المواضيع او المقالات اللى هتنشرها على مدونتك او موقعك علشان تستفيد منها فجلب الزوار وتبنى موقع بيجيله نسبة زيارات كويسة من محركات البحث.
اول حاجة لازم تعرف ان المقال اللى انتا بتكتبه بتكون بنيته الاساسية هي Keyword
الكيوورد دى هيا الكلمة اللى الزائر بيبحث بيها فمحرك البحث سواء كان جوجل او بنج او ياندكس او اى محرك بحث تانى عالنت.
انتا بقي بتشوف مجال موقعك ايه وتبدأ تعمل دراسة للكيوورد اللى فالمجال ده وتشوف المنافسة عليها ولو انتا لسا بادئ الموقع بتختار كلمات لسا ضعيفة فالزيارات وتبدأ تاخد منها كلمات كتيير علشان تبنى الاساس اللى هيقوم عليه موقعك.
وان شاء الله هحاول ابقي اشرح ازاى تختار الكلمات دى وتقيس صعوبتها وتشوف انتا هتشتغل على الكلمة دى ولا لا لو انتا لسا بادئ الموقع .
نبدأ بقي نشوف ازاى هنستخدم الكلمة دى علشان نقول لمحركات البحث ان الموضوع ده فموقعى بيستهدف الكلمة دى : هنختار على سبيل المثال كلمة ( الشاي باللبن )
ازاى هنستخدم الكلمة دى وايه الاماكن اللى يفضل ان الكلمة تكون فيها
ــــــــــــ
1- لازم الكلمة دى تكون فى العنوان وحاول على قد ماتقدر يكون العنوان مختصر علشان ميتقصش منه كلام لما يتعرض للزائر هيبقي العنوان مثلاً كدا : فوائد الشاي باللبن.
من الخطوات المهمة جداً واللى ممكن تخلى المقال بتاعك يتميز عن غيره هي العنوان بتاعه ولو كتبت الموضوع في ساعة افضل ساعة تانية فكر فالعنوان لحد ماتخليه جذاب للزائر علشان زى مابنقول الجواب بيبان من عنوانه ولو عنوان الجواب وحش اكيد محدش هيقراه.
يعنى ممكن العنوان يبقي كدا :
10 فوائد مهمة للشاي باللبن – الفوائد الخطيرة للشاي باللبن .... المهم تفضل تفكر فشكل العنوان علشان تتميز بيه.
ــــــــــــ
2- ودى من الحاجات اللى معظم الناس بتهملها وهيا الرابط ، لازم الرابط يكون قصير وتكون فيه الكلمة المستهدفة سواء عربي او انجليزي يعنى لو موضوعك عربي بس انتا بتكتب على بلوجر الرابط هيكون انجليزى متقولش بقي ازاى انتا هتكتب الرابط انجليزي والموضوع عربي ، محركات البحث مش غبية فبتقوم مترجمة الرابط بتاع المقالة بتاعتك لو انتا عربي يعنى الرابط هيكون كدا :
.www.example.com/tea-with-milk-benefits
ــــــــــــ
3- وانتا بتكتب الموضوع بتكتب اول 3 او 4 سطور كمقدمة تعريفية للموضوع واعتقد ان دى منطقة خطيرة جداً بالنسبة للزائر.
علشان لو الزائر شاف ان الاسلوب بتاع الكتابة كويسة وحاسس ان الموضوع فيه إفادة اكيد هيكمل الموضوع ولو شاف المقدمة ملخبطة وكلامها مش راكب على بعضه بيرجع تانى للبحث بالكلمة دى ودى بتبقى اشارة لجوجل ان الموضوع ده مبيقدمش إفادة للزائر وممكن تتعاقب لو معدلتهوش.
وحاول فالمقدمة تكتب الكلمة المستهدفة مرة واحدة وتكون فأول سطر او تانى سطر بالكتيير.
ــــــــــــ
4- هنيجيى بقي للترويسات اللى هيا العناوين الفرعية اللى هيا الـ :
(Headings : H1 – H2 – H3 – H4 – H5 – H6 )
ده بيبقي العنوان وده احنا اتكلمنا عنه خلاص ومفيش منه اكتر من واحد جوا صفحة الموضوع.: H1
وده بيبقي الاجزاء الفرعية اللى هنتكلم فيها في سياق الموضوع المرتبط بالكلمة بتاعتنا .: H2
: دول برضوا اجزاء فرعية وكل لما ننزل بالرقم لتحت بتقل اهمية الفرع ده. H3 – H4 – H5 – H6
لازم عالاقل تحط الكلمة المستهدفة فى ترويسة 2 او 3 فالموضوع ومينفعش تلغبط فالترتيب بتاعهم يعنى مينفعش الترتيب يكون كدا :
H2
H3
H2
H3
ولكن الترتيب الصح ليهم كدا
H2
H3
H3
H2
ويستحسن ان الكلمة المفتاحية تحطها فأول ترويسة وأخر ترويسة بس مش شرط ممكن أسلوب كتابتك يكون ليه شروط تانية.
ــــــــــــ
5- هنيجي بقي للصور ودى ليها اهمية متقلش عن اهمية العنوان علشان انتا بتشوف بعنيك قبل ماتقرا ولو الصورة جذابة وتشد وعنوانك كويس الزائر هيخش يقرا المقالة وعلشان تجيب صور حصرية فى طرق كتيير منها انك ممكن تدفع لمصمم انه يصمملك صور حصرية ليك او ممكن تجيب صور من عالنت نسبة استخدامها قليلة اوى وتكاد تكون حصرية بالكامل عن طريق انك تبحث فى محركات بحث زي ياندكس او ياهو بلغة تانية زى البرتغالى او الالمانى او اى لغة البحث بيها قليل فمجالك وتروح تشوف الصور اللى اتلاقيتها دى وتبحث عنها فجوجل عن طريق البحث بالصور وتشوف انهى صور اللى مستخدمة بنسبة اقل وتستخدمها وهتلاقى صور مش موجودة على جوجل أساساً ودى تبقي كويسة اوى وفى مواقع بتقدم صور ملهاش حقوق ودى 10 مواقع انا بستخدمها شخصياً فشغلى :
(www.pexels.com – www.unsplash.com – www.freestocks.org – www.mmtstock.com - www.imcreator.com - www.lifeofpix.com – www.pixabay.com – www.kaboompics.com – www.picography.co – www.jaymantri.com - www.canva.com )
ولازم تكون الصور مش تقيلة ومضغوطة علشان متزودش وقت تحميل الموقع وممكن تضغطهم من
https://www.tinypng.com
او اى موقع لضغط الصور انتا تلاقيه مناسب بعد بقي ماجبت الصور الحصرية وضغتها علشان السرعة لازم تضيف الكلمة المفتاحية ليها عن طريق وسم الالت وتكون الصورة بتشرح الموضوع علشان تقدر تكتب فيها الكلمة المفتاحية من غير اما يبقي في حشو زيادة للكلمة وجوجل تعاقبك عليها.
ــــــــــــ
6- الوصف الخاص بالتدوينة ودى ليها نفس اهمية الفقرة الاولى جوا التدوينة علشان دى تانى حاجة الزائر بيشوفها بعد العنوان فى صفحة البحث ولازم يكون الوصف مابين 50-65 كلمة علشان يظهر كامل فى صفحة البحث قدام الزائر من غير ما يتقص منه كلام.
ولازم تضيف فيه الكلمة المستهدفة بشكل جذاب مع السطر ونص المختصرين اللى يوضحوا للزائر المعلومات اللى هيلاقيها فالمقال.
...... كدا تمام عرفت انتا هتكتب الكلمة فين في حاجة اخيرة وهيا ان الكلمة متكتبهاش بنسبة اكتر من 2.5% من اجمالى عدد كلمات الموضوع يعنى لو الموضوع 500 كلمة يبقي 12 مرة فالموضوع كلة تمام اوى وعلشان تحسبها هتروح عالموقع ده
www.wordcounter.net
وتاخد الموضوع كله كوبي وبعد كدا تاخد الكلمة وتعمل بيها سيرش فالموضوع كله هيطلعلك جمبها نسبةالكلمة وطبعاً الموقع بيوريك احصائيات كتيير اوى للمقال تقدر تستفيد بيها ، الكلام ده بالنسبة للناس اللى شغالة بلوجر انما اللى شغال ووردبريس عندهم اضافة يواست بتقولهم كل ده وهما جوا المقال طبعاً.
..............................................
كدا خلصنا من الكييورد وكل حاجة خاصة بيها داخل المقال ماعدا تحليل التنافسية بتاعتها ان شاء الله هحاول اشرحه فبوست تانى .
دلوقتى بقي هنتكلم على شوية حاجات مهمة لازم تكون موجود فالمقال ومنهم
ــــــــــــ
1- المرادفات بتاعت الكلمة ودى بتلاقيها لما تبحث عن الكلمة فبحث جوجل وتنزل تحت خالص فأخر الصفحة بتاعت البحث بتتلاقى عمليات بحث متعلقة دى بقي بتبقي الاشكال التانية اللى الزوار بيبحثوا بيها عالكلمة دى هتلاقيهم تقريباً 10 كلمات خد بقي الكلمات دى واكتب عنهم فالمدونة كأجزاء من المقالة حتى و هتكتب تحت كل واحدة 50 او 60 كلمة حتى وهتبقى مفيدة ليك وهتساعدك انك تعلى فالبحث والتصدر كمان مع الحاجات التانية اللى هتعملها.
ــــــــــــ
2- من المستحسن وانتا بتكتب المقال انك تستشهد بمواقع ليها مصداقية و اثورتى عالى فمحركات البحث زى الويكيبيديا والفيسبوك والمواقع اللى ليها اسمها فمجال الكتابة الخاص بموضوعك وهتعملها اشارة عندك على اسم الموقع زى كدا مثلاً :
وقد تم بناء مدينة الاسكندرية على يد ...إلخ
وتعمل على مدينة الاسكندرية لينك بيودى على الصفحة التعريفية لمدينة الاسكندرية فى الويكيبيديا ودا بيكون اسمه انكور تيكست ودا هتستعمله لما تيجي تعمل باك لينك .
ودا هيدي للمقالة بتاعتك مصداقية عند اليوزر لما يتلاقاك بتستشهد بمواقع مشهورة وهيتأكد من اهمية المعلومات فالمقالة وبردوا هيساعدك فى التحسين من الترتيب بالمقالة فى صفحات البحث .
ــــــــــــ
3- لو انتا ليك قناة عاليوتيوب وفيها فيديوهات خاصة بالموضوع اعملها تضمين علشان ده هيخلى الزائر يقعد فترة اطول وهيقلل عندك معدل الارتداد ولو معندكش فيديوهات شوف اى فيديو على اليوتيوب يكون محترم واعمله تضمين عندك ومتخفش من حكاية حقوق الملكية علشان اساساً التضمين ده من الحاجات الحلوة لصاحب القناة علشان هيشهر قناته وهيعلى الفيو للفيديو ومش مخالف لأى حاجة.
ــــــــــــ
4- الاشارة لمواضيع اخرى ليك ليها علاقة بالموضوع ده جوا المقالة اللى اسمها
Internal Links
ودى بتبقي عن طريق انك تحط لينك لمقالة انتا كاتبها قبل كدا جوا الموضوع اللى بتكتبه او انك تكتب اسم الموضوع وتربط عليه اللينك اللى هو الانكور تيكست وده بيساعدك انه لو الزائر اتلاقى موضوع من دول بيهمه هيخش يقراه وبيدى ريفيو للبوت بتاع محركات البحث ان المقالة دى مفيدة وطبعاً بيزودلك فعدد الزيارات لموقعك.
ــــــــــــ
5- تنسيق المقالة ياجدعان بالله عليكوا اهتموا بشكل المقالة متبقاش سرد بس خلى شكلها حلو علشان الزائر يقراها يعنى قسمها لفقرات متكونش كبيرة اوى ومتبقاش الجمل كبيرة جوا الفقرات لأن ساعات الزائر بيبقي داخل يدور على حاجة فدماغه فبيفضل يقلب فالفقرات الرئيسية عليها فبلاش تكون مقالتك كلها حته واحده علشان شكلها مش هيبقي لطيف ولو الزائر حس بكدا فثانية هيقفل الموقع وده مش مفيد ليك و حاول تعمل الوان غير بقيت المقالة للأجزاء المهمة علشان الزائر ياخد باله منها وميعديهاش اكنها جملة ولا ليها لازمة.
ــــــــــــ
6- اخر حاجة هتكلم عليها هيا ازاى هتجيب المحتوى اللى هتكتبه علشان تعمل محتوى حصري احب اقولك مفيش حد بيعمل محتوى حصري اللى المحتوى اللى انتا بتصنعه او بتخترعه يعنى ايه؟؟
يعنى حاجة زى فيديوهات شادى سرور مثلاً ده محتواه حصرى انما المحتوى الكتابى الحصري منه بيبقي الاخبار والاختراعات وبتبقي حصرية لأول موقع بيكتبها والباقى بياخدها يعيد صياغتها ويضيف فيها وينزلها يعنى دلوقتى مثلاً انتا عاوز تكتب عن كلمة فوائد اللبن للأطفال هتقوم رايح عامل بحث بيها وتشوف اول 10مقالات اللى هيا النتائج بتاعت الصفحة الاولي وتخش تقراهم وتشوف هما كاتبين عن ايه وهتقوم فالأخر كاتب مقال ليك من اللى قريته عندهم هما ال10 بس بطريقتك انتا وصياغتك انتا والتنسيق بتاعك بس انتا هتكون متميز بحاجة عنهم انتا هتكون كاتب كل المعلومات اللى فى ال10 مواضيع و هما اكيد فى منهم اللى مقالته ناقصها جزئية فموضوع تانى ومن هنا انتا بتتميز بمقالتك علشان بتكون كاتب عن كل جزئية ممكنة وساعات انتا بتكون عارف معلومة مش موجودة عندهم كلهم وبالتالى بتضيفها ومن هنا بتعمل المحتوى بتاعك اللى يستحق انه يكون مفيد للزائر وموجود فالنتيجة الاولى لانه شامل كل حاجة.
……………….
وفالأول والاخر انتا صاحب المقالة وكل واحد وليه اسلوبه وطريقته فالعرض وده اللى بيكون فيه التميز الحقيقي انك ازاى هتقدر تشد القارئ بأسلوبك فالكتابة .
ــــــــــــ
^^^دلوقتى بقي دى الحاجات اللى هاترجعها فالسريع قبل لما تخلص المقالة وتنزلها اوتديها لصاحبها لو انتا كاتب :
1-الاخطاء الإملائية .
2-هنيجي نكشف عن نسبة حصرية الموضوع عن طريق انك تاخد كل سطرين او تلاتة وتروح تبحث بيهم فجوجل وتشوف الكلام ده متكرر قبل كدا بنفس النص ولا لا ودى هيا الطريقة الأحسن دلوقتى علشان معظم الادوات مبتديش نسبة صح .
3-تنسيق وشكل المقالة.
4-العنون اللى يشد القارئ.
5-هتراجع على مقدمة الموضوع والخاتمة علشان القبول العام للموضوع بالنسبة للزائر.
ـــــــــــــــــــــــــــــــ
انا عارف ان البوست طويل بس اتمنى بصراحة ان يكون في حد استفاد من الشرح ده ويشتغل بعديه ولو حد يعرف حاجة انا مكتبتهاش اونسيتها ياريت يقولها علشان ازودها ونستفاد بيها كلنا ولو ممكن الادمن يقولو رأيهم وايه اللى ناقص نعمله علشان تبقي المقالة كاملة من جميع النواحي.
Ahmed Eslam Aya Alaa
وياريت تعملوا كومنتات علشان البوست يترفع واكبر عدد يشوفه ويستفاد بيه.
ومننساش ندعى لكل اموات المسلمين بالرحمة.
#شروحات_الكتابة
قبل ما تبدأ تقرا الكلام ده اقرا #الفاتحة_لأموات_المسلمين الله يرحمهم
نبدأ الشرح ان شاء الله
انهاردا هتكلم على المواضيع او المقالات اللى هتنشرها على مدونتك او موقعك علشان تستفيد منها فجلب الزوار وتبنى موقع بيجيله نسبة زيارات كويسة من محركات البحث.
اول حاجة لازم تعرف ان المقال اللى انتا بتكتبه بتكون بنيته الاساسية هي Keyword
الكيوورد دى هيا الكلمة اللى الزائر بيبحث بيها فمحرك البحث سواء كان جوجل او بنج او ياندكس او اى محرك بحث تانى عالنت.
انتا بقي بتشوف مجال موقعك ايه وتبدأ تعمل دراسة للكيوورد اللى فالمجال ده وتشوف المنافسة عليها ولو انتا لسا بادئ الموقع بتختار كلمات لسا ضعيفة فالزيارات وتبدأ تاخد منها كلمات كتيير علشان تبنى الاساس اللى هيقوم عليه موقعك.
وان شاء الله هحاول ابقي اشرح ازاى تختار الكلمات دى وتقيس صعوبتها وتشوف انتا هتشتغل على الكلمة دى ولا لا لو انتا لسا بادئ الموقع .
نبدأ بقي نشوف ازاى هنستخدم الكلمة دى علشان نقول لمحركات البحث ان الموضوع ده فموقعى بيستهدف الكلمة دى : هنختار على سبيل المثال كلمة ( الشاي باللبن )
ازاى هنستخدم الكلمة دى وايه الاماكن اللى يفضل ان الكلمة تكون فيها
ــــــــــــ
1- لازم الكلمة دى تكون فى العنوان وحاول على قد ماتقدر يكون العنوان مختصر علشان ميتقصش منه كلام لما يتعرض للزائر هيبقي العنوان مثلاً كدا : فوائد الشاي باللبن.
من الخطوات المهمة جداً واللى ممكن تخلى المقال بتاعك يتميز عن غيره هي العنوان بتاعه ولو كتبت الموضوع في ساعة افضل ساعة تانية فكر فالعنوان لحد ماتخليه جذاب للزائر علشان زى مابنقول الجواب بيبان من عنوانه ولو عنوان الجواب وحش اكيد محدش هيقراه.
يعنى ممكن العنوان يبقي كدا :
10 فوائد مهمة للشاي باللبن – الفوائد الخطيرة للشاي باللبن .... المهم تفضل تفكر فشكل العنوان علشان تتميز بيه.
ــــــــــــ
2- ودى من الحاجات اللى معظم الناس بتهملها وهيا الرابط ، لازم الرابط يكون قصير وتكون فيه الكلمة المستهدفة سواء عربي او انجليزي يعنى لو موضوعك عربي بس انتا بتكتب على بلوجر الرابط هيكون انجليزى متقولش بقي ازاى انتا هتكتب الرابط انجليزي والموضوع عربي ، محركات البحث مش غبية فبتقوم مترجمة الرابط بتاع المقالة بتاعتك لو انتا عربي يعنى الرابط هيكون كدا :
.www.example.com/tea-with-milk-benefits
ــــــــــــ
3- وانتا بتكتب الموضوع بتكتب اول 3 او 4 سطور كمقدمة تعريفية للموضوع واعتقد ان دى منطقة خطيرة جداً بالنسبة للزائر.
علشان لو الزائر شاف ان الاسلوب بتاع الكتابة كويسة وحاسس ان الموضوع فيه إفادة اكيد هيكمل الموضوع ولو شاف المقدمة ملخبطة وكلامها مش راكب على بعضه بيرجع تانى للبحث بالكلمة دى ودى بتبقى اشارة لجوجل ان الموضوع ده مبيقدمش إفادة للزائر وممكن تتعاقب لو معدلتهوش.
وحاول فالمقدمة تكتب الكلمة المستهدفة مرة واحدة وتكون فأول سطر او تانى سطر بالكتيير.
ــــــــــــ
4- هنيجيى بقي للترويسات اللى هيا العناوين الفرعية اللى هيا الـ :
(Headings : H1 – H2 – H3 – H4 – H5 – H6 )
ده بيبقي العنوان وده احنا اتكلمنا عنه خلاص ومفيش منه اكتر من واحد جوا صفحة الموضوع.: H1
وده بيبقي الاجزاء الفرعية اللى هنتكلم فيها في سياق الموضوع المرتبط بالكلمة بتاعتنا .: H2
: دول برضوا اجزاء فرعية وكل لما ننزل بالرقم لتحت بتقل اهمية الفرع ده. H3 – H4 – H5 – H6
لازم عالاقل تحط الكلمة المستهدفة فى ترويسة 2 او 3 فالموضوع ومينفعش تلغبط فالترتيب بتاعهم يعنى مينفعش الترتيب يكون كدا :
H2
H3
H2
H3
ولكن الترتيب الصح ليهم كدا
H2
H3
H3
H2
ويستحسن ان الكلمة المفتاحية تحطها فأول ترويسة وأخر ترويسة بس مش شرط ممكن أسلوب كتابتك يكون ليه شروط تانية.
ــــــــــــ
5- هنيجي بقي للصور ودى ليها اهمية متقلش عن اهمية العنوان علشان انتا بتشوف بعنيك قبل ماتقرا ولو الصورة جذابة وتشد وعنوانك كويس الزائر هيخش يقرا المقالة وعلشان تجيب صور حصرية فى طرق كتيير منها انك ممكن تدفع لمصمم انه يصمملك صور حصرية ليك او ممكن تجيب صور من عالنت نسبة استخدامها قليلة اوى وتكاد تكون حصرية بالكامل عن طريق انك تبحث فى محركات بحث زي ياندكس او ياهو بلغة تانية زى البرتغالى او الالمانى او اى لغة البحث بيها قليل فمجالك وتروح تشوف الصور اللى اتلاقيتها دى وتبحث عنها فجوجل عن طريق البحث بالصور وتشوف انهى صور اللى مستخدمة بنسبة اقل وتستخدمها وهتلاقى صور مش موجودة على جوجل أساساً ودى تبقي كويسة اوى وفى مواقع بتقدم صور ملهاش حقوق ودى 10 مواقع انا بستخدمها شخصياً فشغلى :
(www.pexels.com – www.unsplash.com – www.freestocks.org – www.mmtstock.com - www.imcreator.com - www.lifeofpix.com – www.pixabay.com – www.kaboompics.com – www.picography.co – www.jaymantri.com - www.canva.com )
ولازم تكون الصور مش تقيلة ومضغوطة علشان متزودش وقت تحميل الموقع وممكن تضغطهم من
https://www.tinypng.com
او اى موقع لضغط الصور انتا تلاقيه مناسب بعد بقي ماجبت الصور الحصرية وضغتها علشان السرعة لازم تضيف الكلمة المفتاحية ليها عن طريق وسم الالت وتكون الصورة بتشرح الموضوع علشان تقدر تكتب فيها الكلمة المفتاحية من غير اما يبقي في حشو زيادة للكلمة وجوجل تعاقبك عليها.
ــــــــــــ
6- الوصف الخاص بالتدوينة ودى ليها نفس اهمية الفقرة الاولى جوا التدوينة علشان دى تانى حاجة الزائر بيشوفها بعد العنوان فى صفحة البحث ولازم يكون الوصف مابين 50-65 كلمة علشان يظهر كامل فى صفحة البحث قدام الزائر من غير ما يتقص منه كلام.
ولازم تضيف فيه الكلمة المستهدفة بشكل جذاب مع السطر ونص المختصرين اللى يوضحوا للزائر المعلومات اللى هيلاقيها فالمقال.
...... كدا تمام عرفت انتا هتكتب الكلمة فين في حاجة اخيرة وهيا ان الكلمة متكتبهاش بنسبة اكتر من 2.5% من اجمالى عدد كلمات الموضوع يعنى لو الموضوع 500 كلمة يبقي 12 مرة فالموضوع كلة تمام اوى وعلشان تحسبها هتروح عالموقع ده
www.wordcounter.net
وتاخد الموضوع كله كوبي وبعد كدا تاخد الكلمة وتعمل بيها سيرش فالموضوع كله هيطلعلك جمبها نسبةالكلمة وطبعاً الموقع بيوريك احصائيات كتيير اوى للمقال تقدر تستفيد بيها ، الكلام ده بالنسبة للناس اللى شغالة بلوجر انما اللى شغال ووردبريس عندهم اضافة يواست بتقولهم كل ده وهما جوا المقال طبعاً.
..............................................
كدا خلصنا من الكييورد وكل حاجة خاصة بيها داخل المقال ماعدا تحليل التنافسية بتاعتها ان شاء الله هحاول اشرحه فبوست تانى .
دلوقتى بقي هنتكلم على شوية حاجات مهمة لازم تكون موجود فالمقال ومنهم
ــــــــــــ
1- المرادفات بتاعت الكلمة ودى بتلاقيها لما تبحث عن الكلمة فبحث جوجل وتنزل تحت خالص فأخر الصفحة بتاعت البحث بتتلاقى عمليات بحث متعلقة دى بقي بتبقي الاشكال التانية اللى الزوار بيبحثوا بيها عالكلمة دى هتلاقيهم تقريباً 10 كلمات خد بقي الكلمات دى واكتب عنهم فالمدونة كأجزاء من المقالة حتى و هتكتب تحت كل واحدة 50 او 60 كلمة حتى وهتبقى مفيدة ليك وهتساعدك انك تعلى فالبحث والتصدر كمان مع الحاجات التانية اللى هتعملها.
ــــــــــــ
2- من المستحسن وانتا بتكتب المقال انك تستشهد بمواقع ليها مصداقية و اثورتى عالى فمحركات البحث زى الويكيبيديا والفيسبوك والمواقع اللى ليها اسمها فمجال الكتابة الخاص بموضوعك وهتعملها اشارة عندك على اسم الموقع زى كدا مثلاً :
وقد تم بناء مدينة الاسكندرية على يد ...إلخ
وتعمل على مدينة الاسكندرية لينك بيودى على الصفحة التعريفية لمدينة الاسكندرية فى الويكيبيديا ودا بيكون اسمه انكور تيكست ودا هتستعمله لما تيجي تعمل باك لينك .
ودا هيدي للمقالة بتاعتك مصداقية عند اليوزر لما يتلاقاك بتستشهد بمواقع مشهورة وهيتأكد من اهمية المعلومات فالمقالة وبردوا هيساعدك فى التحسين من الترتيب بالمقالة فى صفحات البحث .
ــــــــــــ
3- لو انتا ليك قناة عاليوتيوب وفيها فيديوهات خاصة بالموضوع اعملها تضمين علشان ده هيخلى الزائر يقعد فترة اطول وهيقلل عندك معدل الارتداد ولو معندكش فيديوهات شوف اى فيديو على اليوتيوب يكون محترم واعمله تضمين عندك ومتخفش من حكاية حقوق الملكية علشان اساساً التضمين ده من الحاجات الحلوة لصاحب القناة علشان هيشهر قناته وهيعلى الفيو للفيديو ومش مخالف لأى حاجة.
ــــــــــــ
4- الاشارة لمواضيع اخرى ليك ليها علاقة بالموضوع ده جوا المقالة اللى اسمها
Internal Links
ودى بتبقي عن طريق انك تحط لينك لمقالة انتا كاتبها قبل كدا جوا الموضوع اللى بتكتبه او انك تكتب اسم الموضوع وتربط عليه اللينك اللى هو الانكور تيكست وده بيساعدك انه لو الزائر اتلاقى موضوع من دول بيهمه هيخش يقراه وبيدى ريفيو للبوت بتاع محركات البحث ان المقالة دى مفيدة وطبعاً بيزودلك فعدد الزيارات لموقعك.
ــــــــــــ
5- تنسيق المقالة ياجدعان بالله عليكوا اهتموا بشكل المقالة متبقاش سرد بس خلى شكلها حلو علشان الزائر يقراها يعنى قسمها لفقرات متكونش كبيرة اوى ومتبقاش الجمل كبيرة جوا الفقرات لأن ساعات الزائر بيبقي داخل يدور على حاجة فدماغه فبيفضل يقلب فالفقرات الرئيسية عليها فبلاش تكون مقالتك كلها حته واحده علشان شكلها مش هيبقي لطيف ولو الزائر حس بكدا فثانية هيقفل الموقع وده مش مفيد ليك و حاول تعمل الوان غير بقيت المقالة للأجزاء المهمة علشان الزائر ياخد باله منها وميعديهاش اكنها جملة ولا ليها لازمة.
ــــــــــــ
6- اخر حاجة هتكلم عليها هيا ازاى هتجيب المحتوى اللى هتكتبه علشان تعمل محتوى حصري احب اقولك مفيش حد بيعمل محتوى حصري اللى المحتوى اللى انتا بتصنعه او بتخترعه يعنى ايه؟؟
يعنى حاجة زى فيديوهات شادى سرور مثلاً ده محتواه حصرى انما المحتوى الكتابى الحصري منه بيبقي الاخبار والاختراعات وبتبقي حصرية لأول موقع بيكتبها والباقى بياخدها يعيد صياغتها ويضيف فيها وينزلها يعنى دلوقتى مثلاً انتا عاوز تكتب عن كلمة فوائد اللبن للأطفال هتقوم رايح عامل بحث بيها وتشوف اول 10مقالات اللى هيا النتائج بتاعت الصفحة الاولي وتخش تقراهم وتشوف هما كاتبين عن ايه وهتقوم فالأخر كاتب مقال ليك من اللى قريته عندهم هما ال10 بس بطريقتك انتا وصياغتك انتا والتنسيق بتاعك بس انتا هتكون متميز بحاجة عنهم انتا هتكون كاتب كل المعلومات اللى فى ال10 مواضيع و هما اكيد فى منهم اللى مقالته ناقصها جزئية فموضوع تانى ومن هنا انتا بتتميز بمقالتك علشان بتكون كاتب عن كل جزئية ممكنة وساعات انتا بتكون عارف معلومة مش موجودة عندهم كلهم وبالتالى بتضيفها ومن هنا بتعمل المحتوى بتاعك اللى يستحق انه يكون مفيد للزائر وموجود فالنتيجة الاولى لانه شامل كل حاجة.
……………….
وفالأول والاخر انتا صاحب المقالة وكل واحد وليه اسلوبه وطريقته فالعرض وده اللى بيكون فيه التميز الحقيقي انك ازاى هتقدر تشد القارئ بأسلوبك فالكتابة .
ــــــــــــ
^^^دلوقتى بقي دى الحاجات اللى هاترجعها فالسريع قبل لما تخلص المقالة وتنزلها اوتديها لصاحبها لو انتا كاتب :
1-الاخطاء الإملائية .
2-هنيجي نكشف عن نسبة حصرية الموضوع عن طريق انك تاخد كل سطرين او تلاتة وتروح تبحث بيهم فجوجل وتشوف الكلام ده متكرر قبل كدا بنفس النص ولا لا ودى هيا الطريقة الأحسن دلوقتى علشان معظم الادوات مبتديش نسبة صح .
3-تنسيق وشكل المقالة.
4-العنون اللى يشد القارئ.
5-هتراجع على مقدمة الموضوع والخاتمة علشان القبول العام للموضوع بالنسبة للزائر.
ـــــــــــــــــــــــــــــــ
انا عارف ان البوست طويل بس اتمنى بصراحة ان يكون في حد استفاد من الشرح ده ويشتغل بعديه ولو حد يعرف حاجة انا مكتبتهاش اونسيتها ياريت يقولها علشان ازودها ونستفاد بيها كلنا ولو ممكن الادمن يقولو رأيهم وايه اللى ناقص نعمله علشان تبقي المقالة كاملة من جميع النواحي.
Ahmed Eslam Aya Alaa
وياريت تعملوا كومنتات علشان البوست يترفع واكبر عدد يشوفه ويستفاد بيه.
ومننساش ندعى لكل اموات المسلمين بالرحمة.
#شروحات_الكتابة
تعليقات
إرسال تعليق