المواعيد

#نصائح_هامه_لكل_المبتدئين
اللهم لك الحمد والشكر 2017 كان من اروع السنين فى حياتى العملية بدات فى مجال ال CPA من فترة والحمد لله ربنا أكرمنى فيه وهقولكم شوية نصائح بسيطه يا رب تكون مفيده:-
لو انت مش فايتر وكرييتف يعنى مش محارب ولا مبدع ابعد عن مجال ال CPA حتى لو معاك فلوس الدنيا والاخره لانك بمنتهى البساطه مع مرور الوقت هتخسر فلوسك
ولو انت فعلا فايتر وكرييتف يعنى محارب فعلا ومبدع امسك فى المجال ده بايديك واسنانك حتى لو مش معاك مليم واحد او سنت واحد فى جيبك
اوعى تصدق اللى بيقولك علشان تبدأ فى المجال لازم يكون معاك اقل شىء 1000 او حتى 500 دولار الكلام ده كلام نمطى ولا يغنى ولا يسمن من جوع لو انت زى ما اتفقنا محارب ومبده ومتفائل وصبور وقوى وطموح فعلا وعندك رغبه فى انك تحقق احلامك ممكن تبدء بزيرو دولار واقل من زيروا دولار
واوعى تصدق انك لازم يكون عندك دومين واستضافه وسباى تولز وتراكينج تولز و VPN فى البداية انسى الكلام ده خالص والله سهل جدا تنجح من غير الكلام ده كله لو انت بالفعل محارب ومبدع ووووووووووو زى ما قولنا
واوعى تكون من ضمن الناس اللى متخيله انك لازم علشان تنجح تشتغل فى شركة من الشركات الكبيره زى ماكس بونتى او بيرفلاى انسى النظريات العقيم هدى وانسفها من دماغك لانك ممكن تشتغل مع شركة من الشركات اللى بتقبل المبتدئن وتنجح فيها بجد نجاح كبير لو انت عايز تنجح
خلينا نمشى واحده واحده ونكون ايجابيين شوية انت مش معاك ولا دولار فى جيبك ونفسك تبدء تشتغل وتكسب وتطور مستقبلا من مستواك بالفلوس اللى هتكسبها هقولك تعمل ايه ركز معايا
فى البداية لازم تكون رغبتك قوية فى انك عايز تدخل المجال ده وتكسب منه بجد وتتطور فيه اول حاجه لازم تعملها انك تعاهد المولى سبحانه وتعالى انك مش هتشتغل فى اى عروض فيها شبهه او فيها مخالفات او ضرر لغيرك نهائيا وتتقى الله فى كل دولار هتكسبه ان شاء الله
ثم تذاكر كويس وتكون مستعد فعلا وتشوف مثلا كورسات سيمولايف واحمد الغانم وهانى حسين وكتب ماجد عطوى وتاخد فكره عامه يوميا تشوف فيديو جديد وتقرا موضوع جديد القراءه عامله زى الماء اللى بيروى التربه
بعد كده تروح على الشركات اللى بتقبل المبتدئن وانسف فكره انك مبتدىء لا انت انسان مثقف وفاهم فى المجال وعندك خبره كويسه حتى لو مش عمليه لكن اسمها خبره برضه وخليك صريح مع اى افيليت مانجر ومع نفسك وعندك اكتر من شركة زى :-
ArabyADS
Digizag
Digitalraves
Relevant
وشركات تانى كتير لكن انا شخصيا برشح الشركات دى وعربى ادز هتفتح التسجيل قريبا ان شاء الله وشركة فى منتهى الروعه
تسجل فى الشركات دى وان شاء الله هيقبلوك
وتدخل تختار عروض ال CPL بمعنى Cost Per Lead
دى اسهل انواع العروض زى عروض السيرفاى وعروض العقارات زى شركة داماك وخلافه وزى عرض VLCC
العمولة بتسمع بمجرد العميل ما يسجل فى لينك التسجيل لكن طبعا لازم تكون البيانات صحيحه
انت هتطلب من الافيليت مانجر الموافقه على العرض ثم تاخد لينك العرض وتنحت فى الصخر وتواصل الليل بالنهار تشتغل على جروبات الفيسبوك المهتمه بطبيعه العرض اللى معاك تعمل اكتر من اكونت فيسبوك وتخليك ذكى وبلاش تخالف قوانين النشر فى الجروبات وتكون صداقات وتهتم اكتر بعروض الخليج هتفرق معاك جدا جدا وزى ما قولتلك توصل الليل بالنهار اقسم بالله العظيم هتنجح وهتوصل لاول دولار ثم 10 دولار ثم 100 دولار ثم 500 دولار وبعد كده انطلق وطور من مستواك ووفر وقتك واشتغل بطريقة احترافيه بالفلوس اللى هتكسبها
الطريقة دى اسمها
CYL
Create Your Lead
وهتنجح معاك ان شاء الله
التجربة ده عملية جدا جدا جدا وانا فى بدايتى اشتغلت بيها والله حرفيا ووصلت ولله الحمد لهدفى واشتغلت فيها على عروض صعبه جدا لكن حققت فيها دخل كويس ط
فى طرق تانى كتير والله لو شغلت دماغك اطلق العنان لعقلك خليه يبدع وكل يوم ابتكر طريقه جديده وبلاش تكون نمطى بمعنى بلاش تستمر فتره على نفس الطريقة فى النشر وخلافه الا اذا كانت مربحه معك
اسف للاطاله
ويا رب اكون قدرت اخيكم متفائلين بجد
ويا رب التوفيق للجميع