المواعيد

فى نوع من الخلط بين المحتوي الحصري والسيو، وكتير جدًا مشتت.

المحتوي الحصري : حضرتك بتكتب مقال جديد. بغض النظر عن مصدر مقالك سواء كلام من تأليفك أو مصاغ من مقال أخر .. فالنهاية هو كلام جديد بالنسبة لمحركات البحث.

طيب السيو دوره ايه مع المحتوي الحصري؟

لو انا معرفش سيو فأنا ممكن اكتب مقال واكتب عنوان المقال من كلمة واحدة باسم "الملوخية" ع سبيل المثال . وبناءا عليه المقال هيترمى فى غيابات البحث وهيكون صعب جدًا الوصول للصفحة الاولي مهما كانت جودة المقال قوية.

أما لو أنا فاهم سيو ، هستهدف كلمة الملوخية بطريقة إحترافية .. وهبدء الأول عنوان المقال بإسم : فوائد الملوخية واضرارها واذكر الكلمة المستهدفة فى بداية المقال واظبط مقالي وأنسقه بشكل كويس واستخدم الكلمة المستهدفه بمرادفتها فى ترويسات مختلفة.

وأجيب صور جودتها عالية واديها اسم الكلمة المستهدفة .. وهعمل url المقال بالكلمة المستهدفة.

وبعد كدة هنشر المقال فى السوشيال ميديا . وهبدء بعمل باك لينك للمقال ..

وهو دا الفرق بين واحد بيعرف يكتب كويس جدًا ومش عارف يتصدر لانه مش فاهم قواعد السيو .. وبين واحد كتابته متوسطة لكن بيعرف أزاى يصعد فى نتائج البحث.

تحديث:
يؤسفنى أن أخبركم أن كان فى مقال طبي عن شىء ما .. وقمت أنا بصياغة المقال من سنتين تقريبا ..وانا اليوم نتيجة أولي صفحة أولي ..والله ولا اعلم أين المقال الأساسى الأن.

فلا يغرنك نصائح جوجل أن تكتب المقال للزائر فقط .. واهتم بالزائر وانسى محركات البحث والسيو والباك لينك ..إفادة الزائر دا شىء لا خلاف فيه ..لكن أكتب المقال لمحركات البحث لان من غيرها مش هتوصل للزائر.

المقصود : أن جوجل لم تعطى لهذا الكاتب حقه حينما تعب فى كتابة مقال مفيد جدًا.مكون من 2000 كلمة ..ولم يهتم لعوامل السيو وكان نصيبه ان لم ياتى زوار لمقاله.. وأنا تفوقت عليه ب3500 كلمة معاد صياغتها من مقاله + باك لينك وسوشيال ميديا.